Prezident Shavkat Mirziyoyev “Bxaratiya janata parti” hukmron partiyasi boshchiligidagi Milliy-demokratik alyansidan nomzod Draupadi Murmuga Hindiston Respublikasining Prezidenti etib saylangani munosabati bilan tabrik yo‘lladi.
Davlat rahbarining maktubida birgalikdagi sa’y-harakatlar bilan O‘zbekiston va Hindiston o‘rtasidagi ko‘p qirrali, uzoq muddatli va o‘zaro manfaatli aloqalar sifat jihatidan yangi bosqichga ko‘tarilishiga ishonch bildirilgan.
Ma'lumot uchun, Murmu 25-iyulda, amaldagi prezident Ram Natxa Kovindning vakolat muddati tugaydigan kuni qasamyod qiladi.
Hindiston — parlament respublikasi, shuning uchun mamlakatda prezident asosan vakillik funksiyalarini bajaradi. Uning vakolat muddati besh yil va ketma-ket ikki muddatdan oshmaydi.
Izoh (0)