“O‘zgidromet” 23-iyul kuni kuzatiladigan ob-havo ma’lumotini e’lon qildi.
23-iyul kuni O‘zbekistonda havo hali ham issiq bo‘ladi. Maksimal harorat 40–45 daraja atrofida, janubda va cho‘l zonalarida ba’zi joylarda 47 darajagacha bo‘ladi.
Qoraqalpog‘iston va Xorazm viloyati aholisi nisbatan salqin havoni his etadilar, ushbu hududlarda kunduzi harorat 37–42 darajagacha pasayadi. Respublika bo‘yicha ba’zi joylarda shamol 17–22 m/s gacha kuchayishi, ayrim joylarda chang–to‘zonlari bilan kuzatilishi mumkin. Farg‘ona viloyatining tog‘ oldi va tog‘li hududlarida glyatsial (muz) sel-suv toshqin hodisalari yuzaga kelishi mumkin.
Poytaxtimizda havo quyoshli bo‘ladi. Shamol 3–8 m/s tezlikda esadi, kechga tomon 10–12 m/s gacha kuchayishi mumkin. Harorat 41–43 daraja atrofida saqlanib turadi.
Tog‘li hududlarda yog‘ingarchilik kutilmaydi. Shamol 7–12 m/s tezlikda esadi, ba’zi joylarda 15–20 m/s gacha kuchayishi mumkin. Harorat kunduzi 32–37 daraja bo‘ladi.
Izoh (0)