Toshkent shahar, Mirzo Ulug‘bek tumandagi hovli kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga fuqarolik ishlari bo‘yicha sud hukmi bilan Toshkent viloyati Quyichirchiq tumani MIB tomonidan joylashtirilgan. 2013-yilda qurilgan 2 qavatli uy 6 xonadan iborat.
Yer uchastkasining umumiy maydoni — 0,03 gektar. Binoning maydoni — 300 kvadrat metr. Hovlida gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 3,1 mlrd so‘m. Arizalar 5-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.
Lot izohida yozilishicha, uy ichidagi jihozlar sotuvga qo‘yilmagan, garovga faqatgina ko‘chmas mulk qo‘yilgan.
Avvalroq Qoraqalpog‘istondagi bino va inshootlar 76 mlrd so‘mga auksionga qo‘yilgani haqida xabar berilgandi.
Izoh (0)