Germaniya Iqtisodiyot vaziri Robert Xabekning ushbu qishda mamlakatni barqaror energiya bilan ta’minlash uchun suyultirilgan gaz (LNG) olib kelish rejasi barbod bo‘lish arafasida. Bu haqda Bild xabar berdi.
Buning sababi xomashyoni tashish uchun zarur bo‘lgan tankerlarning yetishmasligidir.
Germaniya savdo flotida LNG’ni uzoq masofalarga tashish uchun zarur bo‘lgan gaz tankerlari yetishmaydi.
Hammasi bo‘lib butun dunyoda 500 ga yaqin LNG tankerlari mavjud, ammo boshqa mintaqalarda talab kuchliroq, — dedi Germaniya kema egalari ittifoqi vakili Martin Kroeger.
Germaniya Iqtisodiyot vazirligining ta’kidlashicha, hozircha obyektlarga LNG yetkazib beradigan tankerlar chastotasi va sonini aniqlashning iloji yo‘q.
Xristian Demokratik Ittifoqi vakili Torsten Freyga ko‘ra, Robert Xabekning LNG strategiyasi barbod bo‘lgan. Bu qishda mamlakatni kerakli gaz bilan ta’minlashning iloji yo‘q.
Shu tufayli u mamlakat gaz omborlarini to‘ldirish uchun barcha imkoniyatlarni ishga solishga chaqirdi.
Bundestagdagi Xristian ijtimoiy ittifoq yer guruhi rahbari Aleksandr Dobrindt esa fuqarolarga gazning qat’iy bazaviy narxini belgilash uchun yangi narx modelini shakllantirish zarurligini ta’kidladi.
Joriy yil oxirigacha Germaniyada suyultirilgan gaz qabul qilish uchun ikkita suzuvchi terminal jihozlanishi kutilmoqda.
Ulardan biri Vilgelmshavenda (Quyi Saksoniya), ikkinchisi Brunsbyuttelda (Shlezvig-Golshteyn) joylashgan.
Umuman olganda, Germaniya hukumati to‘rtta suzuvchi LNG terminalidan foydalanish niyatida.
Xalqaro energetika agentligi prognoziga ko‘ra, 2025-yilga borib Rossiyadan Yevropa Ittifoqiga quvur orqali gaz yetkazib berish hajmi 55 foizga qisqaradi.
Avvalroq Qatar Yevropani o‘zining suyultirilgan gazi bilan ta’minlashga tayyorligi haqida xabar berilgandi.
Izoh (0)