Estoniya Finlyandiya va Shvetsiyani Shimoliy Atlantika ittifoqiga qabul qilishni ma’qulladi.
Finlyandiya va Shvetsiyaga taklif bilan NATO “sovuq urush tugaganidan beri yettinchi bor o‘z eshiklarini ochdi”, dedi mamlakat tashqi ishlar vaziri vazifasini bajaruvchi, tadbirkorlik va axborot texnologiyalari vaziri Andres Sutt.
“Finlyandiya va Shvetsiyaning NATOga qo‘shilishi va ikkala davlatning NATO siyosiy va harbiy tuzilmalariga muammosiz integratsiyalashuvi Estoniya manfaatlariga mos keladi. Sizni ishontirib aytamanki, NATO eshiklari keyingi davlatlar, xususan, Ukraina uchun ochiq qoladi. Hech bir uchinchi davlat, ayniqsa, Rossiya NATOga kim qo‘shilib, kim qo‘shilmasligini hal qila olmaydi”, deya qo‘shimcha qilgan Sutt.
5-iyul kuni Bryusselda NATOga a’zo davlatlarning doimiy vakillari Finlyandiya va Shvetsiyaning alyansga qo‘shilish protokollarini imzoladi. Endilikda NATOga a’zo davlatlar o‘zlarining milliy qonunchiligiga muvofiq protokollarni tasdiqlashlari kerak.
Finlyandiya va Shvetsiya alyansning barcha a’zo davlatlari qo‘shilish protokollarini ratifikatsiya qilgandan so‘ng rasman NATO a’zolariga aylanadi. NATO bosh kotibi Yens Stoltenberg 5-iyul kuni protokollarni imzolashdan oldin aytganidek, bu jarayon bir necha oy davom etishi mumkin.
Izoh (0)