Rossiya neftining Hindiston va Xitoyga yetkazib berish hajmi kamaymoqda

Bloomberg hisob-kitoblariga ko‘ra, Rossiya neftining dengiz orqali Osiyoga jo‘natilishi kamaymoqda.

Agentlikning ta’kidlashicha, iyul oyining birinchi kunlarida yetkazib berishda biroz o‘sish kuzatilgan bo‘lsa-da, ularning umumiy hajmi pasayishda davom etmoqda.

Bu oxirgi paytlarda Qora dengiz bo‘ylab yo‘nalishlar faolroq qo‘llanila boshlaganiga qaramay sodir bo‘lmoqda. Endi Hindiston portlarigacha bo‘lgan masofa qisqaradi.

Agentlik ma’lumotlariga ko‘ra, Rossiya neftini Xitoy va Hindistonga yetkazib berishning o‘rtacha haftalik hajmi may oyining oxiriga nisbatan 15 foizga kamaydi.

Kunlik yuk tashish hajmi aprel oyidagi darajaga qaytdi — 3,67 mln barrel.

Bloomberg ta’kidlashicha, bu holat G7’da Rossiya neftining eksportiga cheklovlar joriy etish bo‘yicha davom etayotgan muhokamalar fonida rivojlanmoqda.

Avvalroq Sanksiyalar ostida qolgan Rossiya Hindiston kompaniyalarini jalb qilayotgani haqida xabar berilgandi.