Toshkent viloyati, Yangiyo‘l tumani, “Tuyabo‘g‘iz” mahallasida joylashgan 30,5 sotix yer uchastkasi kimoshdi savdosida sotildi. Ma’lumotlar “E-auksion” portalida e’lon qilingan.
Qariyb 27 soat davom etgan savdoda (4-iyul 10:00 da boshlangan) 10 nafar talabgor ishtirok etgan. Bu vaqt ichida 2 mingga yaqin narx taklif etilgan.
Yer uchastkasining umumiy maydoni — 0,3 gektar. Ushbu yerda maktabgacha ta’lim muassasasini qurishga ruxsat berilgan.
Boshlang‘ich narxi 3,5 mln so‘mga ijara huquqi bilan savdoga chiqarilgan yer uchastkasi 692 mln so‘mga Karimov Sherzodga sotildi.
Avvalroq sobiq “Toshkentgeologiya” binosi auksionda xususiy universitetga 35,7 mlrd so‘mga sotilgani haqida xabar berilgandi.
Izoh (0)