Тошкент вилояти, Янгийўл тумани, «Туябўғиз» маҳалласида жойлашган 30,5 сотих ер участкаси кимошди савдосида сотилди. Маълумотлар «E-auksion» порталида эълон қилинган.
Қарийб 27 соат давом этган савдода (4 июль 10:00 да бошланган) 10 нафар талабгор иштирок этган. Бу вақт ичида 2 мингга яқин нарх таклиф этилган.
Ер участкасининг умумий майдони — 0,3 гектар. Ушбу ерда мактабгача таълим муассасасини қуришга рухсат берилган.
Бошланғич нархи 3,5 млн сўмга ижара ҳуқуқи билан савдога чиқарилган ер участкаси 692 млн сўмга Каримов Шерзодга сотилди.
Аввалроқ собиқ «Тошкентгеология» биноси аукционда хусусий университетга 35,7 млрд сўмга сотилгани ҳақида хабар берилганди.
Изоҳ (0)