Yevrokomissiya (EK) prezidenti Ursula fon der Lyayen tashkilot Yevropa Ittifoqi, Iqtisodiy hamkorlik va taraqqiyot tashkiloti hamda G20 mamlakatlarini o‘z ichiga olgan xalqaro platforma yaratish masalasini ko‘rib chiqishini aytdi. Yangi platformaning asosiy vazifalari Ukrainani tiklash, uni isloh qilish va moliyaviy qo‘llab-quvvatlashga qaratilgan strategik tashabbuslarni rivojlantirish bo‘lishi kerak.
“Biz Ukrainani qayta tiklash bo‘yicha komissiyaga Yevropa Ittifoqi yoki xalqaro moliya institutlari tomonidan global tashabbuslar bo‘luvchi platforma yaratish taklifini kiritdik. Uni Iqtisodiy hamkorlik va taraqqiyot tashkiloti va G20ning barcha davlatlari hamda albatta, Ukrainaning AQSH, Buyuk Britaniya yoki Kanada kabi boshqa do‘stlari ham qo‘llab-quvvatladi. Men boshqaruvga juda katta e’tibor beraman, chunki biz Ukrainani qayta tiklash bo‘yicha aniq reja borligiga va investitsiyalar islohotlar bilan bog‘liqligiga ishonch hosil qilmoqchimiz”, deydi fon der Lyayen xonim El Diario nashriga bergan intervyusida.
Yevrokomissiya rahbari ishlab chiqilayotgan platformaning aniq vakolatlari va uning ishtirokchilari tarkibiga aniqlik kiritmadi. Eslatib o‘tamiz, Rossiya ham G20 a’zosi hisoblanadi.
May oyida Ukraina prezidenti Vladimir Zelenskiy G‘arb davlatlarini mamlakatning Rossiya harbiy amaliyotidan jabrlangan hududlarini tiklashda ishtirok etishga taklif qilgan edi. Uning fikricha, bunday “homiylik loyihasi” mamlakatlar o‘rtasidagi strategik sheriklik va Yevropa barqarorligiga sarmoya kiritishning yangi namunasi bo‘lishi mumkin.
Izoh (0)