Olmaotada COVID-19 bilan kasallanish holatlari ko‘payishi sababli niqob rejimi qaytariladi, deyiladi shaharning davlat sanitariya shifokori qarorida.
U gavjum yopiq joylarda (savdo markazlari, savdo uylari, yopiq bozorlar, banklar, kinoteatrlar, teatrlar, sirklar, konsert zallari, avtovokzallar, sport tadbirlari, konferensiyalar), jamoat transportida va xalqaro yo‘lovchi tashish vaqtida niqob taqishni tavsiya qildi. Bu tavsiya besh yoshgacha bo‘lgan bolalarga va ovqatlanish vaqtlarida istisno qilinadi.
Tashkilotlarga emlashga qarshi bo‘lgan va homilador, shuningdek, kasallar bilan aloqada bo‘lgan xodimlarni masofadan turib ishlashga o‘tkazish maslahat berilgan.
4-iyul kuni shahar koronavirus infeksiyasi tarqalishi bo‘yicha “sariq” hududga aylandi. O‘tgan kun davomida Qozog‘istonda 159 ta, xususan, Olmaotada 88 ta koronavirus bilan kasallanish holati aniqlangan. Shahar aholisi 2 million kishini tashkil qiladi.
Qozog‘istonda niqob taqish rejimi 2022-yilning mart oyida bekor qilingan edi.
Izoh (0)