Xitoy sharqidagi shaharlar koronavirus klasterlari paydo bo‘lgani munosabati bilan COVID-19 ga qarshi choralarni kuchaytirmoqda. Bu haqda Reuters xabar berdi.
Yantszi daryosining quyi oqimida joylashgan Usi ishlab chiqarish markazi do‘kon va supermarketlarning faoliyatini to‘xtatdi. Restoranlar ishi ham to‘xtatildi, hukumat odamlarga uydan ishlashni tavsiya qildi va aholini shaharni zaruratsiz tark etmaslikka chaqirdi.
Anxoy provinsiyasidagi Si okrugi 760 ming aholini karantinga oldi va jamoat transportini to‘xtatdi. Aytilishicha, Xitoyda yangi kasallanish holatlarining aksariyati Anxoy shahriga to‘g‘ri keladi.
Milliy sog‘liqni saqlash komissiyasi ma’lumotlariga ko‘ra, Xitoyda o‘tgan sutkada COVID-19 ga chalinish bo‘yicha 473 ta yangi holat qayd etilgan, ulardan 104 tasi simptom bilan va 369 tasi simptomsiz kechgan. Taqqoslash uchun: avvalgi kuni 268 kishida infeksiya aniqlangan edi – 72 kishida simptomli va 196 kishida simptomsiz, Xitoy buni alohida hisoblaydi.
Xitoyning eng gavjum shahri va moliyaviy markazi bo‘lgan Shanxayda bir kishida kasallik qayd etilgan, dedi shahar rasmiylari.
Dunyoda koronavirus bilan kasallanish holatlari yana ortib bormoqda, o‘lim darajasi esa pasayishda davom etmoqda, deya ta’kidladi Reuters.
Izoh (0)