Rossiya prezidenti Vladimir Putin Ukrainadagi urushda ishtirok etayotgan “Sharq” va “G‘arb” guruhlari o‘z vazifalarini bajarishda davom etishi kerakligini aytdi. LXR uchun janglarda qatnashgan “Markaz” guruhi bo‘linmalari esa dam olib, jangovar salohiyatini oshirishi kerak, dedi Rossiya prezidenti mamlakat mudofaa vaziri Sergey Shoygu bilan uchrashuvda.
“Faol jangovar harakatlarda qatnashgan va Lugansk yo‘nalishida muvaffaqiyat qozonib, g‘alabalarga erishgan bo‘linmalar, albatta, dam olishi va jangovar salohiyatini oshirishi kerak”, degan u.
Unga so‘zlariga ko‘ra, boshqa harbiy tuzilmalar, jumladan, “Sharq” va “G‘arb” guruhlari o‘z vazifalarini “ilgari tasdiqlangan rejalar yagona reja bo‘yicha” bajarishi kerak. “Umid qilamanki, hammasi hozirda Luganskda bo‘lganidek, ularning yo‘nalishi bo‘yicha ham sodir bo‘ladi” — deya qo‘shimcha qilgan prezident.
Izoh (0)