Rossiya Ukraina donining eksportiga to‘sqinlik qilmayapti, Kiyev portlarni o‘zi minalardan tozalashi kerak, dedi Rossiya prezidenti Vladimir Putin Indoneziya prezidenti Joko Vidodo bilan uchrashuvda.
“Ukraina harbiy ma’muriyati o‘z portlariga kirish joylarini minaladi va hech kim ularning minalarni tozalashiga va u yerdan don olib ketayotgan kemalarni olib chiqishiga to‘sqinlik qilmayapti. Biz xavfsizlikni kafolatlaymiz”, — deya tushuntirgan Putin.
U, shuningdek, Ukraina donini “eksport qilishning boshqa yo‘llariga”ga e’tibor qaratdi. “Ruminiya, Dunay orqali, keyingi harakat Qora dengiz bo‘ylab, Polsha, Belarus orqali, Azov dengizi portlari orqali”, — degan Putin.
Rossiya prezidenti uning mamlakati joriy yilda ellik million tonna g‘alla eksport qilishga tayyorligini ma’lum qildi.
“O‘tgan yili Rossiya tashqi bozorga qirq milliondan ortiq don yetkazib bergan bo‘lsa, bu yil biz ellik million tonnaga yaqin don yetkazib berishga tayyormiz”, — deya aytib o‘tgan u.
Izoh (0)