Россия Украина донининг экспортига тўсқинлик қилмаяпти, Киев портларни ўзи миналардан тозалаши керак, деди Россия президенти Владимир Путин Индонезия президенти Жоко Видодо билан учрашувда.
«Украина ҳарбий маъмурияти ўз портларига кириш жойларини миналади ва ҳеч ким уларнинг миналарни тозалашига ва у ердан дон олиб кетаётган кемаларни олиб чиқишига тўсқинлик қилмаяпти. Биз хавфсизликни кафолатлаймиз», — дея тушунтирган Путин.
У, шунингдек, Украина донини «экспорт қилишнинг бошқа йўлларига»га эътибор қаратди. «Руминия, Дунай орқали, кейинги ҳаракат Қора денгиз бўйлаб, Польша, Беларусь орқали, Азов денгизи портлари орқали», — деган Путин.
Россия президенти унинг мамлакати жорий йилда эллик миллион тонна ғалла экспорт қилишга тайёрлигини маълум қилди.
«Ўтган йили Россия ташқи бозорга қирқ миллиондан ортиқ дон етказиб берган бўлса, бу йил биз эллик миллион тоннага яқин дон етказиб беришга тайёрмиз», — дея айтиб ўтган у.
Изоҳ (0)