Gavayidagi gipertovushli raketa prototipining sinovi uchirishdan keyin yuzaga kelgan muammo tufayli muvaffaqiyatsiz yakunlandi. Bu haqda AQSH mudofaa vazirligi hisobotiga tayanib, Bloomberg xabar berdi.
“Nosozlik prototipda dvigatel yoqilgandan keyin sodir bo‘ldi”, — deya AQSH harbiy-dengiz kuchlari vakili Tim Gormandan iqtibos keltiradi agentlik.
Uning so‘zlariga ko‘ra, sinovlar Gavayida o‘tkazilgan, u boshqa tafsilotlarni keltirmagan.
Bloomberg’ning yozishicha, bu yadrosiz tezkor zarba berish dasturi doirasidagi ikkinchi muvaffaqiyatsiz sinovdir.
Aprel oyida CNN manbasi Qo‘shma Shtatlar mart oyi o‘rtalarida gipertovushli raketani muvaffaqiyatli sinovdan o‘tkazgani haqida ma’lum qilgandi. Biroq, AQSH Rossiya bilan ziddiyat kuchayishiga yo‘l qo‘ymaslik uchun sinovlarni sir saqlashga qaror qilgan, dedi manba.Telekanal ma’lumotlariga ko‘ra, sinovlar Rossiya Ukrainada “Kinjal” gipertovushli raketasi qo‘llangani haqida e’lon qilganidan bir necha kun o‘tib amalga oshirilgan.
Shu bilan birga, mart oyi boshida Pentagon Minuteman III qit’alararo ballistik raketasini sinovdan o‘tkazishni keyinga qoldirdi va ko‘p o‘tmay bekor qildi. Rejalarning o‘zgartirilishiga Moskva bilan munosabatlarda ziddiyat yuzaga kelishi xavfi ham sabab bo‘lgan, deb yozadi Wall Street Journal.
Izoh (0)