Vladimir Zelenskiyning iqtisodiy masalalar bo‘yicha maslahatchisi Oleg Ustenkoning so‘zlariga ko‘ra, harbiy operatsiyadan keyin Ukraina infratuzilmasi va iqtisodiyotini tiklash uchun mamlakatga taxminan 1 trillion dollar kerak bo‘ladi.
Ushbu raqam jangovar harakatlar natijasida mamlakatga yetgan bilvosita zararni ham o‘z ichiga oladi, deb yozadi “Kommersant”.
650 milliard dollar Ukraina urush tufayli ko‘rgan bevosita zararlarnigina o‘z ichiga oladi, agar bu raqamga bilvosita zarar ham qo‘shilsa, u 1 trillionga yetadi. Bizga shuncha mablag‘ kerak, — dedi Ustenko “Espresso TV” telekanali efirida.Uning aniqlik kiritishicha, bu summa Ukrainaning besh yillik YaIMga tengdir.
Vladimir Zelenskiy may boshida Ukrainani qayta tiklashga 600 milliard dollar kerak bo‘lishini aytgan bo‘lsa, aprel o‘rtalarida bu summani 550 milliard dollarga baholagan edi.
Bugun esa Ukraina prezidenti mamlakat iqtisodiyoti har oyda 5 milliard dollar miqdorida moliyaviy ko‘makka muhtoj ekanini ma’lum qildi.
Ustenko tasdiqlashicha, Ukraina shuncha mablag‘ni har oy grantlar ko‘rinishida qabul qilmoqda, ayni paytda mamlakat uchun kapitalni o‘zlashtirish bozorlari yopiq bo‘lishiga qaramasdan.
Shuningdek, Ukraina Rossiyaning muzlatilgan zaxiralarini ham olmoqchi. Ular 300 milliard dollarga baholanmoqda.
Izoh (0)