Honor Rossiyaga smartfonlarni O‘zbekiston orqali olib kiradi — OAV

Xitoyning Honor kompaniyasi Rossiyaga smartfonlar yetkazib berishni to‘xtatdi. Bu haqda manbalarga tayanib, “Vedomosti” xabar berdi.

Honor Rossiya bozorini tark etishi haqida rasmiy e’lon qilmagan bo‘lsa-da, kompaniya smartfonlari Rossiyaga yetkazib berishni mart oyida to‘xtatdi.

Honor parallel importdan foydalangan holda Rossiyaga O‘zbekiston orqali smartfonlar olib kirish bo‘yicha kelishuvga erishdi, — deyiladi xabarda.

“Parallel import” — tovar belgisi egasining roziligisiz mahsulotni mamlakatga olib kirish.

Rossiya—Ukraina mojarosidan so‘ng, ko‘plab kompaniyalar mamlakatga import qilishdan bosh tortdi. Buning fonida Rossiya hukumati “parallel import”ga ruxsat berdi.

Dunyoda bunday importga munosabat har xil — bu, aslida qaroqchilik va jinoiy faoliyat degan fikrlar ham bor.