Honor Россияга смартфонларни Ўзбекистон орқали олиб киради — ОАВ

Хитойнинг Honor компанияси Россияга смартфонлар етказиб беришни тўхтатди. Бу ҳақда манбаларга таяниб, «Ведомости» хабар берди.

Honor Россия бозорини тарк этиши ҳақида расмий эълон қилмаган бўлса-да, компания смартфонлари Россияга етказиб беришни март ойида тўхтатди.

Honor параллел импортдан фойдаланган ҳолда Россияга Ўзбекистон орқали смартфонлар олиб кириш бўйича келишувга эришди, — дейилади хабарда.

«Параллел импорт» — товар белгиси эгасининг розилигисиз маҳсулотни мамлакатга олиб кириш.

Россия—Украина можаросидан сўнг, кўплаб компаниялар мамлакатга импорт қилишдан бош тортди. Бунинг фонида Россия ҳукумати «параллел импорт»га рухсат берди.

Дунёда бундай импортга муносабат ҳар хил — бу, аслида қароқчилик ва жиноий фаолият деган фикрлар ҳам бор.