Birlashgan Millatlar Tashkilotining Sanoatni rivojlantirish tashkiloti “Raqobatbardosh sanoat unumdorligi indeksi – 2022” hisobotini e’lon qildi. Bu haqda Iqtisodiy taraqqiyot va kambag‘allikni qisqartirish vazirligi xabar berdi.
Hisobotda O‘zbekiston 154 ta mamlakatlar orasida 0,017 ball bilan 89-o‘rinni egallagan. Mamlakat 5 pog‘onaga ko‘tarilgani sanoat rivojlanishining o‘rta kvintiliga ega mamlakatlar toifasiga o‘tish imkoniyatini yaratadi.
Reytingga yana 2 ta davlat qo‘shilgan — Markaziy Afrika Respublikasi va Nikaragua.
Indeks metodologiyasiga asosan “Raqobatbardosh sanoat unumdorligi indeksi – 2022” hisobot natijalari 2020-yildagi statistik ma’lumotlarga asosan shakllantirilgan.
O‘zbekiston 8 ta indikatorning 6 tasida ijobiy o‘zgarishlarni qayd etgan, shu bilan birga 2 ta indikatorda pasaygan.
Tarkibiy ko‘rsatkichlarning 2021-2022-yillardagi taqqoslama jadvali (qiymatlar 2015-yilgi AQSH dollari kursi narxlarda ko‘rsatilgan):
O‘zbekiston 3 yillik sanoat mahsuloti hajmida 2018-yildagi 235,3 trln so‘mdan 2020-yilda 368,7 trln so‘mni tashkil etib, 1,5 barobarga oshgan.
Ishlab chiqarish tarkibida eng katta ulush (82,0 foiz) ishlab chiqarish korxonalariga to‘g‘ri keladi hamda ishlab chiqarish hajmi 305,9 trln so‘mni tashkil etadi.
O‘zbekistonda sanoat ishlab chiqarish 3 yillik hajmi (trln so‘m):
Shuningdek, MDH davlatlari orasida O‘zbekiston Rossiya, Belarus, Qozog‘istondan keyin 4-o‘rinni egallagan.
Dunyo reytingining eng yuqori 5 ta pog‘onasida Germaniya (0,416), Xitoy (0,369), Irlandiya (0,347), Yaponiya (0,325) va Koreya Respublikasi (0,324) o‘rin egallagan.
Izoh (0)