2021-yilning 3-dekabr kuni bir necha shaxs Yunusobod tumanidagi xonadonlardan biriga g‘ayriqonuniy ravishda kirib, 61 yoshli xonadon egasining og‘zi va qo‘llarini skotch bilan bog‘lab, 1 million so‘mlik seyfni va uning ichidagi 15 ming dollarni olib chiqib ketgan. Bu haqda Toshkent shahar IIBB axborot xizmati xabar berdi.
Jinoyatchilar voqea joyidan yashirinish uchun xonadonga yetib kelgan jabrlanuvchining qizlarini pichoq bilan qo‘rqitib, ular minib kelgan Gentra’ni olib qochgan.
Ushbu jinoiy guruh qisqa vaqt ichida Toshkent shahar IIBB xodimlari tomonidan ushlangan. 44 yoshli Toxir, 36 yoshli Odil, 34 yoshli Baxodir, 31 yoshli Murodilla, Abror, 25 yoshli Azamat, 24 yoshli Muhammad, 22 yoshli Doniyorga Jinoyat kodeksining 164-moddasi (bosqinchilik) va 267-moddasi (transport vositasini olib qochish) bilan ayb e’lon qilinib, qamoqqa olish ehtiyot chorasi qo‘llangan.
Hozirda jinoyat ishi o‘rnatilgan tartibda ko‘rib chiqishlik uchun jinoyat ishlari bo‘yicha Yunusobod tumani sudiga yuborilgan.
Avvalroq Farg‘onada o‘yinchoq to‘pponcha bilan bosqinchilik qilgan shaxslar aniqlangani to‘g‘risida xabar berilgandi.
Izoh (0)