Samarqand viloyatining Past Darg‘om tumanida imtiyozli kredit mablag‘ini talon-toroj qilgan MCHJ rahbari aniqlandi. Bu haqda Bosh prokuratura huzuridagi departament xabar berdi.
Ma’lum qilinishicha, departamentning Past Darg‘om tuman bo‘limi tomonidan tekshiruv o‘tkazilgan. Tekshiruv davomida “N.” MCHJ rahbari M.M. MDF eshiklarini ishlab chiqarish asbob-uskunalarini xarid qilish uchun hududdagi tijorat bankdan ajratilgan 837,2 million so‘mlik kredit mablag‘ini talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Andijonda 50 nafar fuqaro uchun soxta ma’lumot tayyorlab, 122,5 mln so‘m subsidiya mablag‘ini o‘zlashtirgan korxona rahbari ushlangani, Toshkent va Surxondaryoda umumiy 1,4 mlrd so‘m imtiyozli kredit mablag‘ini talon-toroj qilganlar aniqlangani to‘g‘risida xabar berilgandi.
Izoh (0)