Havo haroratining keskin isishi sababli poyezdlar harakati xavfsizligini ta’minlash maqsadida Toshkent metropolitenining barcha yerusti bekatlarida harakatlanayotgan poyezdlar tezligi kamaytiriladi. Bu haqda “Toshkent metropoliteni” xabar qildi.
Qayd etilishicha, bu o‘zgarish soat 12:00 dan 18:00 ga qadar amal qiladi. Bu orada elektropoyezdlar qatnovidagi oraliq intervallar ham ortadi.
Eslatib o‘tamiz, Gidrometeorologiya xizmati markazi 25—29-iyun kunlari O‘zbekiston hududiga Turkmaniston orqali Eron hududlaridan issiq havo kirib kelishini ma’lum qilgandi. “O‘zgidromet”ning 27-iyun kuni uchun prognozlariga ko‘ra, respublikada harorat 45 darajagacha ko‘tariladi va bu anomal anomal issiq ob-havo hafta oxirigacha saqlanib qoladi.
Qayd etilishicha, bunday issiq havo paytida po‘lat izlardagi harorat yanada yuqori bo‘ladi. Shu sabab “O‘ztemiryo‘lyo‘lovchi” rahbariyati poyezdlar tezligiga cheklov kiritdi. Bu orqali poyezdlar belgilangan manzillarga kechikib borish holatlari kuzatiladi. Bundan tashqari, havo haroratining keskin ko‘tarilishi poyezdlar harakat jadvaliga ham ta’sir o‘tkazdi.
Izoh (0)