Buxoro viloyati Peshku tumanida saksovul butalarining noqonuniy ravishda olib ketilayotgan yuk mashinasi to‘xtatib qolindi. Bu haqda viloyati Ekologiya va atrof-muhitni muhofaza qilish boshqarmasi xabar berdi.
Ma’lum qilinishicha, Ekologiya inspektorlari va IIB xodimlari bilan hamkorlikda navbatdagi ekologik reyd tadbiri o‘tkazilgan. Tadbirda Peshku tuman Varaxsha cho‘l hududidan “GAZ-53” rusumli davlat raqami belgisiz harakatlanib borayotgan avtomashina noqonuniy ravishda saksovul butalarini olib kelayotgani aniqlanib, Ekopatrul xodimlari tomonidan haydovchiga to‘xtash buyrug‘i berilgan. Ammo haydovchi to‘xtash talablariga bo‘ysunmay, mashinasini to‘xtatmay, qochib ketishga harakat qilgan.
Shunga qaramay, olib borilgan harakatlar davomida avtomashina to‘xtalib, jarima maydonchasiga joylashtirilgan. Ushbu holat yuzasidan ikki nafar fuqaroga nisbatan Ma’muriy javobgarlik to‘g‘risidagi kodeksning 79-moddasi (daraxtlarni, butalarni, boshqa o‘simliklarni va nihollarni qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazish) 1-qismi bilan ma’muriy bayonnoma rasmiylashtirilib, jarima hamda tabiatga yetkazilgan zarar hisoblangan.
Eslatib o‘tamiz, 2019-yilning dekabrida Qoraqalpog‘istonda saksovul o‘g‘rilari ekologiya va IIB xodimlariga hujum qilgandi.
Mavzuga doir:
- Buxoroda saksovul o‘g‘irlagan 10 ta yuk mashinasidan biri ushlandi. Haydovchi tabiiy gaz bo‘lmagani uchun bunga qo‘l urganini bildirgan
- Buxoroda saksovul terish evaziga fuqarodan pora talab qilgan inspeksiya mas’ullari jinoyat ustida qo‘lga olindi
- Video: Buxoroda cho‘ldan saksovul o‘g‘irlab, inspektorlardan qochayotgan 4 ta yuk mashinasi
Izoh (0)