Бухоро вилояти Пешку туманида саксовул буталарининг ноқонуний равишда олиб кетилаётган юк машинаси тўхтатиб қолинди. Бу ҳақда вилояти Экология ва атроф-муҳитни муҳофаза қилиш бошқармаси хабар берди.
Маълум қилинишича, Экология инспекторлари ва ИИБ ходимлари билан ҳамкорликда навбатдаги экологик рейд тадбири ўтказилган. Тадбирда Пешку туман Варахша чўл ҳудудидан «ГАЗ-53» русумли давлат рақами белгисиз ҳаракатланиб бораётган автомашина ноқонуний равишда саксовул буталарини олиб келаётгани аниқланиб, Экопатруль ходимлари томонидан ҳайдовчига тўхташ буйруғи берилган. Аммо ҳайдовчи тўхташ талабларига бўйсунмай, машинасини тўхтатмай, қочиб кетишга ҳаракат қилган.
Шунга қарамай, олиб борилган ҳаракатлар давомида автомашина тўхталиб, жарима майдончасига жойлаштирилган. Ушбу ҳолат юзасидан икки нафар фуқарога нисбатан Маъмурий жавобгарлик тўғрисидаги кодекснинг 79-моддаси (дарахтларни, буталарни, бошқа ўсимликларни ва ниҳолларни қонунга хилоф равишда кесиш, кундаков қилиш, шикастлантириш, йўқ қилиш ёки бошқа жойга кўчириб ўтказиш) 1-қисми билан маъмурий баённома расмийлаштирилиб, жарима ҳамда табиатга етказилган зарар ҳисобланган.
Эслатиб ўтамиз, 2019 йилнинг декабрида Қорақалпоғистонда саксовул ўғрилари экология ва ИИБ ходимларига ҳужум қилганди.
Мавзуга доир:
- Бухорода саксовул ўғирлаган 10 та юк машинасидан бири ушланди. Ҳайдовчи табиий газ бўлмагани учун бунга қўл урганини билдирган
- Бухорода саксовул териш эвазига фуқародан пора талаб қилган инспекция масъуллари жиноят устида қўлга олинди
- Видео: Бухорода чўлдан саксовул ўғирлаб, инспекторлардан қочаётган 4 та юк машинаси
Изоҳ (0)