Xosep Gvardiola “Manchester Siti”da “Atletiko” hujumkor yarim himoyachisi Joau Feliksni ko‘rishni istaydi.
“Manchester Siti” bosh murabbiyi yozda klubning 22 yoshli futbolchi bilan shartnoma imzolashini xohlamoqda, deya xabar beradi CNN Portugal jurnalisti Brunu Andrade.
Ehtimoliy transfer ushbu yozda “shaharliklar” safini tark etishi mumkin bo‘lgan hujumchi Gabriel Jezus va vinger Rahim Sterlingga bog‘liq. Feliks uchun qaydnomadan joy bo‘shatish va klubning moliyaviy feyr-pley qoidalariga rioya qilishi muhim hisoblanadi.
Joau Feliks o‘tgan mavsumda barcha musobaqalar doirasida 34 o‘yinda 10 ta gol va 5 ta golli uzatmaga mualliflik qildi.
Avvalroq “Manchester Siti” o‘z safini “Borussiya D” forvardi Erling Holand bilan to‘ldirib olgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)