Yarim himoyachi Kristian Eriksen kelajagi borasida bir qarorga kela olmayapti.
Sky Sports’ga ko‘ra, Daniya terma jamoasining 30 yoshli futbolchisi “Manchester Yunayted” va hozirgi klubi “Brentford”dan birini tanlashga qiynalmoqda.
“Qizil iblislar”ning taklifi moliyaviy jihatdan yaxshiroq ko‘rinayotgan bo‘lsa, futbolchining oilasi Londonga ko‘nikib qolgan va Angliya poytaxtini tark etishga unchalik oshiqmayapti.
Shu bilan birga uning “Tottenhem”ga qaytish ehtimoli past baholanmoqda, boisi “shporlar” Rodrigo Bentankur va Iv Bissumaga imkoniyat berishni ko‘zlagan. Eriksen esa JCH—2022 oldidan doimiy o‘yin amaliyotiga muhtoj.
Uning “Brentford” bilan shartnomasi 30-iyun kuni o‘z nihoyasiga yetadi va futbolchi erkin agentga aylanadi.
Eslatib o‘tamiz, Eriksen Yevro—2020 da yuragi to‘xtab qolganidan keyin “Brentford” safida katta sportga qaytdi.
Izoh (0)