Diyora Keldiyorova dzyudo bo‘yicha ikki karra “Katta dubulg‘a” musobaqasi g‘olibiga aylandi

Mo‘g‘ulistonda dzyudo bo‘yicha “Katta dubulg‘a” musobaqasi o‘tkazilmoqda.

Musobaqaning ilk kunida O‘zbekiston vakilasi Diyora Keldiyorova -52 kg vazn toifasida oltin medalni qo‘lga kiritdi. Keldiyorovaga hal qiluvchi bellashuvda rossiyalik Alesya Kuznetsova raqiblik qildi. Bahsda Keldiyorova uchta shido evaziga g‘alabani qo‘lga kiritdi. U yarim finalda portugaliyalik Joana Diogoni ippon bahosi bilan mag‘lubiyatga uchratgandi.

Shu tariqa Diyora “Katta dubulg‘a” turnirlarining ikki karra g‘olibiga aylandi.

Qayd etish kerak, Diyora Keldiyorova ushbu g‘alabasi bilan Parij—2024 Olimpiya o‘yinlari uchun 500 reyting ochkosini ham o‘z hisobiga qo‘shib qo‘ydi.