Oliy Majlisi Qonunchilik palatasining navbatdagi majlisida “O‘zbekiston Respublikasi Konstitutsiyasiga o‘zgartish va qo‘shimchalar kiritish to‘g‘risida”gi Konstitutsiyaviy qonun loyihasi deputatlar tomondan birinchi o‘qishda qabul qilindi.
Majlisda dastlab Konstitutsiyaviy komissiya raisi Akmal Saidov o‘tgan davrda Konstitutsiyaviy komissiya tomonidan olib borilgan ishlar to‘g‘risida axborot berdi va uning axboroti deputatlar tomonidan ma’lumot uchun qabul qilindi.
Yig‘ilishda ta’kidlanishicha, taklif etilayotgan o‘zgartish va qo‘shimchalar Konstitutsiyaning 60 dan ortiq moddasini qamrab oladi.
“Berilgan takliflarning salkam 70 foizi yoshlar tomonidan yuborilgan. Nima uchun yoshlar tomonidan, chunki ular yangi informasion texnologiyalarga tezrok. Ular xat yozmasa ham telefon orqali yuborishyapti. Shuningdek, biz hozirgacha 50 mingdan ortiq fuqarolarga takliflari uchun minnatdorchilik xatlari yubordik”, — deydi Akmal Saidov.
Yig‘ilishda, shuningdek, Konstitutsiyaviy komissiya o‘z faoliyatini davom ettirib, fuqarolardan kelayotgan takliflarni umumlashtirib, ularni Oliy Majlis Qonunchilik palatasiga kiritib borish kerakligi qayd etildi.
Oliy Majlisi Qonunchilik palatasining navbatdagi majlisida “O‘zbekiston Respublikasi Konstitutsiyasiga o‘zgartish va qo‘shimchalar kiritish to‘g‘risida”gi Konstitutsiyaviy qonun loyihasi deputatlar tomondan birinchi o‘qishda qabul qilindi.
Avvalroq Shavkat Mirziyoyev nima uchun konstitutsiyaviy islohotlar o‘tkazilayotganiga izoh bergani, Konstitutsiyaga “O‘zbekistonda o‘lim jazosi taqiqlanadi” degan normani hamda “Miranda qoidasi”ni kiritishni taklif qilgani to‘g‘risida xabar berilgandi.
Izoh (0)