Олий Мажлиси Қонунчилик палатасининг навбатдаги мажлисида «Ўзбекистон Республикаси Конституциясига ўзгартиш ва қўшимчалар киритиш тўғрисида»ги Конституциявий қонун лойиҳаси депутатлар томондан биринчи ўқишда қабул қилинди.
Мажлисда дастлаб Конституциявий комиссия раиси Акмал Саидов ўтган даврда Конституциявий комиссия томонидан олиб борилган ишлар тўғрисида ахборот берди ва унинг ахбороти депутатлар томонидан маълумот учун қабул қилинди.
Йиғилишда таъкидланишича, таклиф этилаётган ўзгартиш ва қўшимчалар Конституциянинг 60 дан ортиқ моддасини қамраб олади.
«Берилган таклифларнинг салкам 70 фоизи ёшлар томонидан юборилган. Нима учун ёшлар томонидан, чунки улар янги информасион технологияларга тезрок. Улар хат ёзмаса ҳам телефон орқали юборишяпти. Шунингдек, биз ҳозиргача 50 мингдан ортиқ фуқароларга таклифлари учун миннатдорчилик хатлари юбордик», — дейди Акмал Саидов.
Йиғилишда, шунингдек, Конституциявий комиссия ўз фаолиятини давом эттириб, фуқаролардан келаётган таклифларни умумлаштириб, уларни Олий Мажлис Қонунчилик палатасига киритиб бориш кераклиги қайд этилди.
Олий Мажлиси Қонунчилик палатасининг навбатдаги мажлисида «Ўзбекистон Республикаси Конституциясига ўзгартиш ва қўшимчалар киритиш тўғрисида»ги Конституциявий қонун лойиҳаси депутатлар томондан биринчи ўқишда қабул қилинди.
Аввалроқ Шавкат Мирзиёев нима учун конституциявий ислоҳотлар ўтказилаётганига изоҳ бергани, Конституцияга «Ўзбекистонда ўлим жазоси тақиқланади» деган нормани ҳамда «Миранда қоидаси»ни киритишни таклиф қилгани тўғрисида хабар берилганди.
Изоҳ (0)