Ukrainada Rossiya bosqini boshlanganidan beri tinch aholi orasida qurbonlar va yaradorlar soni 10 403 kishiga yetdi. Bu haqda Birlashgan Millatlar Tashkilotining Inson huquqlari bo‘yicha Oliy komissari boshqarmasi saytida aytilgan.
24-fevraldan 21-iyungacha Ukrainada 4634 nafar tinch aholi halok bo‘ldi, 5769 nafari yaralandi. Qurbonlar orasida 320 nafar, yaradorlar orasida 478 nafar bola bor, deyiladi hisobotda.
Qurbonlar va yaradorlarning aksariyati Donetsk va Lugansk viloyatlarida — mos ravishda 2710 va 3209 kishi.
BMT Qochqinlar bo‘yicha Oliy komissari boshqarmasi ma’lumotlariga ko‘ra, urush boshlanganidan beri 8 milliondan ortiq odam Ukrainani tark etishga majbur bo‘lgan. 3,5 milliondan ortiq ukrainaliklar Yevropa davlatlariga ko‘chib ketgan.
Rossiya 24-fevral kuni Ukrainada “demilitarizatsiya” va “denasifikatsiya” qilish maqsadida harbiy operatsiya boshlagan edi. Mudofaa vazirligining ta’kidlashicha, Rossiya harbiylari faqat harbiy infratuzilma obyektlariga zarba bermoqda.
Izoh (0)