21-iyun kuni Turkmaniston prezidenti Serdar Berdimuhamedov davolanish uchun Germaniyaga jo‘nab ketdi, deb xabar bermoqda Turkmen News.
Ashxoboddan parvoz qilgan Boeing 77-200 LR yo‘lovchi samolyoti mahalliy vaqt bilan 6:40 da Myunxen aeroportiga qo‘ngan, so‘ng Frankfurtga uchib ketgan.
Nashr ma’lumotlariga ko‘ra, kichik Berdimuhamedov Myunxendagi kasalxonalardan biriga ketgan va Turkmanistonga 23-iyun kuni qaytib keladi.
Buning bilvosita isboti sifatida nashr qayd etishicha, dushanba kunlari davlat rahbari odatda hududlar rahbarlari bilan ishchi majlisini o‘tkazadi, biroq 21-iyun kuni davlat nashrlari yangiliklari orasida prezident faoliyati haqidagi reportajlar e’lon qilinmagan.
Bundan tashqari, bu bort yo‘lovchi samolyoti bo‘lishiga qaramasdan (“Turkmaniston havo yo‘llari uni 2021-yil iyunida olgan), sobiq prezident Gurbanguli Berdimuhamedov, prezident aviaparkida VVIP-kofiguratsiyali boshqa uchta Boeing bo‘lishiga qaramasdan, aynan undan ko‘pincha o‘z parvozlari uchun foydalangan.
Serdar Berdimuhamedov iyun boshida xuddi shu samolyotda Saudiya Arabistoniga umra safariga borib kelgan edi.
Izoh (0)