Turkiya o‘t o‘chirish brigadalari Marmaris kurort shahri yaqinida ketma-ket uch kundan buyon yirik o‘rmon yong‘inlari bilan kurashmoqda, deya xabar bermoqda Associated Press nashri.
Olovni o‘chirishga kuchli shamollar to‘sqinlik qilmoqda, buning natijasida esa olov tez tarqalyapti.
Yong‘inni o‘chirish uchun 2,5 mingdan ortiq o‘t o‘chiruvchi, 45 vertolyot va 12 ta maxsus jihozlangan samolyot jalb etilgan.
O‘rmon xo‘jaligi vaziri Vaxit Kirshichining so‘zlariga ko‘ra, yong‘in oqibatida 3 ming gektarga yaqin o‘rmon zarar ko‘rgan. Yong‘in yaqinida joylashgan uchta asosiy aholi punktlaridan 275 kishi evakuatsiya qilingan.
Yong‘in sabablari hozircha ma’lum emas, biroq o‘t qo‘yish ehtimoli istisno etilmayapti.
Izoh (0)