Buyuk Britaniya Rossiyaga qarshi yangi sanksiyalarni e‘lon qildi

Britaniya hukumati payshanba kuni e’lon qilgan bayonotga ko‘ra, Britaniya funt sterlingi va Yevropa Ittifoqi davlatlarining banknotlari, samolyot yonilg‘isi Rossiya Federatsiyasiga eksport qilish taqiqlanadi.

Yangi choralar, xususan, “Rossiyaga samolyot yonilg‘isi va yonilg‘i qo‘shimchalarini eksport qilish yoki undan foydalanishni taqiqlash”ni o‘z ichiga oladi.

Shuningdek, “Funt sterlingdagi banknotlar va Yevropa Ittifoqi davlatlarining banknotlarini Rossiyaga olib chiqish yoki ulardan foydalanishni taqiqlash, bunday banknotlarni Rossiya bilan aloqador shaxslarga taqdim etish yoki yetkazib berish, shu bilan birga, Rossiya Federatsiyasi hududida foydalanishni taqiqlash” ham ko‘zda tutilgan.

Bundan tashqari, Britaniya daromad olish maqsadida kelib chiqishi Rossiyaniki bo‘lgan yoki Rossiya Federatsiyasidan olib kelingan tovarlarning kirishini taqiqladi.

Temir va po‘lat importi bilan bog‘liq texnik yordam, moliyaviy xizmatlar va vositachilik xizmatlarini ko‘rsatish sohasida Rossiyaga nisbatan cheklov choralari kengaytirildi. Eng muhim sanoat mahsulotlari bo‘lgan neftni qayta ishlash sohasiga tegishli tovar va texnologiyalar eksportiga qo‘shimcha cheklovlar joriy etildi. Sanksiyalar kimyoviy va biologik qurollar ishlab chiqarish uchun ishlatilishi mumkin bo‘lgan tovarlarga ham tegishli.

Ushbu sanksiyalar 22-iyundan kuchga kirdi.