Британия ҳукумати пайшанба куни эълон қилган баёнотга кўра, Британия фунт стерлинги ва Европа Иттифоқи давлатларининг банкнотлари, самолёт ёнилғиси Россия Федерациясига экспорт қилиш тақиқланади.
Янги чоралар, хусусан, «Россияга самолёт ёнилғиси ва ёнилғи қўшимчаларини экспорт қилиш ёки ундан фойдаланишни тақиқлаш»ни ўз ичига олади.
Шунингдек, «Фунт стерлингдаги банкнотлар ва Европа Иттифоқи давлатларининг банкнотларини Россияга олиб чиқиш ёки улардан фойдаланишни тақиқлаш, бундай банкнотларни Россия билан алоқадор шахсларга тақдим этиш ёки етказиб бериш, шу билан бирга, Россия Федерацияси ҳудудида фойдаланишни тақиқлаш» ҳам кўзда тутилган.
Бундан ташқари, Британия даромад олиш мақсадида келиб чиқиши Россияники бўлган ёки Россия Федерациясидан олиб келинган товарларнинг киришини тақиқлади.
Темир ва пўлат импорти билан боғлиқ техник ёрдам, молиявий хизматлар ва воситачилик хизматларини кўрсатиш соҳасида Россияга нисбатан чеклов чоралари кенгайтирилди. Энг муҳим саноат маҳсулотлари бўлган нефтни қайта ишлаш соҳасига тегишли товар ва технологиялар экспортига қўшимча чекловлар жорий этилди. Санкциялар кимёвий ва биологик қуроллар ишлаб чиқариш учун ишлатилиши мумкин бўлган товарларга ҳам тегишли.
Ушбу санкциялар 22 июндан кучга кирди.
Изоҳ (0)