AQSH prezidenti Jo Bayden benzin narxi keskin ko‘tarilgani tufayli Kongressdan mamlakatda yonilg‘i uchun federal soliqni uch oy muddatga to‘xtatib turishni so‘radi. Bu haqda Oq uy xabar bergan.
AQSH davlat rahbari shtatlar rahbarlariga murojaat qilib yonilg‘i uchun oliqlarni bekor qilish va amerikaliklarga qo‘shimcha ko‘mak berishni iltimos qilgan.
Oq uy press-relizida AQSHda benzin narxi qariyb 40 foizga o‘sgani va gallon (3,785 litr) uchun 5 dollar ekanligi qayd etilgan. AQSH hukumati sodir bo‘lgan holatni Ukrainadagi urushga aloqador va narxlarning Putin sabab ko‘tarilishi deb atamoqda.
May oyida AQSHda inflyatsiya 1981-yil dekabr oyidan beri eng maksimal qiymatga yetgan va yillik ko‘rsatkich 8,6 foizni tashkil qilgandi. Yevrohududda inflyatsiya 8,1 foizga yetgan. Inflyatsiyaning bunday tezlashishiga energiya resurslarining narxlari oshgani bilan izohlanmoqda.
Avvalroq AQSH prezidenti narxlar o‘sishiga qarshi turish uchun Strategik neft zaxirasidan sutkasiga bir million barrel neft ajratilishini bildirgan. Shuningdek, Bayden xalqaro hamkorlardan ham tashabbusni qo‘llab-quvvatlashni so‘ragan va bozorga 240 million barrel neft yo‘naltirilgan edi. Bundan tashqari Jo Bayden administratsiyasi neftni qayta ishlovchi kompaniyalar bilan hamkorlik qilib, korxonalarning ishlab chiqarish quvvatini oshirish chora-tadbirlarini amalga oshirmoqda.
Izoh (0)