Turkiya Mudofaa vazirligi delegatsiyasi chorshanba kuni Moskvada Ukraina bug‘doyining dengiz orqali eksport qilishdagi taqiq bo‘yicha muzokaralar o‘tkazdi.
Turkiya Mudofaa vazirligi ma’lumotlariga ko‘ra, uchrashuv “konstruktiv va juda ijobiy muhitda” o‘tgan va uning ishtirokchilari Ukraina va BMT ishtirokida to‘rt tomonlama muzokaralar o‘tkazish bo‘yicha kelishuvga erishganliklarini ma’lum qilgan.
Rossiya va Turkiya, shuningdek, Ukrainaning bloklangan portlaridan yuklari bo‘lgan tijorat kemalarini olib chiqish va Turk samolyotlarini Borispol aeroportiga xavfsiz tarzda qaytarish masalalarini ham muhokama qildi.
Kiyev, Moskva, Anqara va BMT vakillarining to‘rt tomonlama uchrashuviga yaqin haftalarda bo‘lib o‘tishi ma’lum qilingan.
Eslatib o‘tamiz, Rossiya Qora dengizni to‘sib qo‘ygan, shu sababli Ukraina o‘z oziq-ovqatini dengiz orqali eksport qila olmayapti.
Avvalroq Ukraina tashqi ishlar vaziri o‘rinbosari Dmitriy Senik Rossiyaning dengiz blokadasi sharoitida Ukraina ikki don eksport kanalini – Polsha va Ruminiya orqali yo‘lga qo‘yganini, shuningdek, Boltiqbo‘yi davlatlari bilan ham muzokaralar olib borayotganini ma’lum qilgandi.
Vengriya tashqi ishlar vaziri Peter Siyarto, uning mamlakati Rossiyaning Ukraina portlarini blokadaga olishi oqibatida yuzaga kelgan global oziq-ovqat inqirozini hal qilishga hissa qo‘shishni taklif qilganini aytdi.
Vladimir Zelenskiy Afrika Ittifoqi mamlakatlariga murojaatida Ukraina dengiz donining eksportiga to‘siqni olib tashlash bo‘yicha ko‘p tomonlama muzokaralarda hali muvaffaqiyatga erishmaganini aytdi.
Izoh (0)