Armaniston shimolidagi Aragotsotn viloyati Nigavan qishlog‘ida otishma yuz berdi, oqibatda bir kishi halok bo‘ldi, deb yozadi “RBK”.
“Dastlabki ma’lumotlarga ko‘ra, ov quroli qo‘llanilgan. Yetti nafar jabrlanuvchi turli tibbiy muassasalarga yetkazilgan, ulardan biri vafot etgan. Voqea siyosiy asosga ega emas, uning sababi maishiy xusisiyat kasb etadi”, — deyiladi politsiya xabarida.
Otishma haqida “Shamshyan.com” portali ham xabar berdi. Qishloqqa qo‘shni bo‘lgan Aparan shahar kasalxonasiga turli jarohatlar, shu jumladan, o‘qotar qurol bilan berilgan jarohatlar bilan yetti kishi kelib tushgan, ulardan biri oxir-oqibat vafot etgan, yaradorlar boshqa tibbiy muassasalarga yuborilgan. Shifokorlar voqea haqida politsiyaga xabar bergan. Holat bo‘yicha jinoyat ishi qo‘zg‘atilgan.
“Politik.am” nashri yozishicha, otishma ishtirokchilari Armaniston parlamenti deputati Matevos Asatryan va viloyat vitse-gubernatori Edgar Parvanyanning qarindoshlari va do‘stlari bo‘lgan. Ikkala siyosatchi ham mamlakat bosh vaziri Nikol Pashinyan yetakchilik qiluvchi “Fuqarolar kelishuvi” partiyasi tarafdorlari hisoblanadi. Nashr ma’lumotlariga ko‘ra, kelishmovchilikka Pashinyanga qarata aytilgan haqorat sabab bo‘lgan — shundan keyin uning partiyasi a’zolarining qarindoshlari o‘t ochishni boshlagan.
Izoh (0)