Gretsiya va Kipr 21 yillik tanaffusdan keyin dengiz orqali yo‘lovchi qatnovini qayta yo‘lga qo‘ydi — Scandro Holding kompaniyasining Daleela yo‘lovchi paromi 19-iyun kuni 12:00 da (Toshkent vaqti bilan 14:00) Pireyga Limasola portidan jo‘nab ketdi, deb yozadi “RBK”.
Gretsiya va Kipr o‘rtasidagi kemalar qatnovi to‘xtatilishiga sabab shuki, orolgacha samolyotda parvoz qilish arzonroq tushardi. Biroq Yevroittifoq subsidiyalari sharofati bilan parom qatnovi qayta tiklandi.
Parom Pireyga 20-iyun kuni 19:00 da yetib keladi. Uning yetib kelishiga shahar ma’muriyati bayram tadbirlarini tashkillashtirmoqda.
Limasoladan Pireygacha bo‘lgan yo‘l jami 30 soat vaqt oladi. Parom 16-sentabrgacha qatnaydi.
Borish-kelish chiptalari bir kishi uchun 80 dollar turadi. Bitta mashina uchun esa sayyohlar 214 dollar to‘lashi kerak bo‘ladi.
Mavzuga doir:
- Kipr qirg‘oqlarida kuchli zilzila qayd etildi
- Kiprda “delta” va “omikron” shtammlarining gibridi aniqlandi
- Erdo‘g‘on AQSHning Gretsiyadagi harbiy bazalari Rossiyaga qarshi hujum uchun tayyorlanganiga ishonmayapti
- Gretsiya qirg‘oqlari yaqinida yo‘lovchi parom yonib ketdi. 290 nafar yo‘lovchi va ekipaj a’zolari evakuatsiya qilingan (video)
Izoh (0)