AQSHning ichki xavfsizlik uchun mas’ul bo‘lgan mansabdorlari Rossiya noyabrda bo‘lib o‘tadigan kongressga saylovlarga aralashishi mumkinligidan xavotirda, deb yozadi “RBK”.
Besh nafar amaldagi va sobiq amaldorlar CNN’ga ma’lum qilishicha, Moskva AQSH ichkarisidagi kelishmovchiliklardan bo‘lg‘usi saylovlarga nisbatan foydalanishi va mahalliy saylov qo‘mitalariga kichik xakerlik hujumlarini uyushtirishi kutilmoqda. Shu bilan birga, xakerlar o‘zlarini sezdirib qo‘yadigan tarzda harakat qilishi va Amerika jamiyatida AQSHdagi saylov tizimining butunligiga nisbatan shubha urug‘ini sochishi mumkin.
Ammo telekanal suhbatdoshlari voqealar rivojining bunday varianti faraziy bo‘lib qolayotganini aytdi.
AQSHda saylovlar ancha himoyalanganroq bo‘lib qolganiga qaramasdan, mansabdorlar ta’kidlashicha, mamlakatda ishonchsizlik muhiti yuzaga kelgan, u ko‘p sonli mahalliy saylov tizimlari tomonidan chuqurlashtirilmoqda. Bu shuni bildiradiki, bunday sharoitlarda “Rossiyaning urush olib borish bo‘yicha assimetrik uslublari” ta’siriga haqiqatda tayyor bo‘lish mumkin emas, deb aniqlik kiritadi CNN.
“Agar qandaydir mayda bir narsa sodir bo‘lsa, bu vasvasa va alg‘ov-dalg‘ovlikka aylanib ketadi, odamlar esa birdan butun saylovlar tizimi xavfsiz, deb o‘ylay boshlaydi, — dedi Nikol Tisdeyl, u aprelgacha Milliy xavfsizlik kengashida qonunchilik masalalari bo‘yicha direktor bo‘lgan, undan avval esa Vakillar palatasi Ichki xavfsizlik qo‘mitasida kiberxavfsizlik va kontrrazvedka bo‘yicha direktor lavozimini egallagan. — Gap kichik muammoni u kattaroq narsaga aylanib ketmasligi uchun hal qilish haqida emas. Gap shundaki, odamlar qayiqdagi kichik teshikdan suv kirayotganini ko‘rib, u butunlay cho‘kib ketadi, deb o‘ylay boshlaydi”.
Vakillar palatasi va senatga saylovlar 8-noyabr kuni bo‘lib o‘tadi. Kongressning quyi palatasiga barcha 435 ta okruglar vakillari, yuqori palataga esa 100 senatordan 34 nafari saylanadi.
Aprelda Associated Press agentligi AQSH razvedkasi Rossiya Amerikaning Ukrainaga ko‘magidan foydalanib, uning siyosiy ishlariga aralashishi mumkinlgini ma’lum qilganini yozgandi.
Moskva Vashingtonning Rossiya Amerika saylovlariga aralashishga uringani haqidagi barcha bayonotlarini qat’iyan rad etmoqda. Prezident vakili Dmitriy Peskov bunday xabarlarni uydirma va haqiqatga hech qanday aloqasi yo‘q deb atagandi.
Izoh (0)