Boris Yelsinning eng yaqin safdoshlaridan biri, sobiq davlat kotibi va Rossiya bosh vaziri o‘rinbosari Gennadiy Burbulis 19-iyun kuni 76 yoshida vafot etdi.
Burbulis Moskvada vafot etdi, dedi uning matbuot kotibi Andrey Markov “Interfaks”ga. Ozarbayjon matbuoti uning Bokuda vafot etganini da’vo qilmoqda.
Markovning aytishicha, Burbulisning o‘limi kutilmagan hodisa bo‘lgan. “U kasal emasdi, o‘zini juda yaxshi his qilayotgandi, yaqindagina ‘Global dunyo tartibiga tahdid’ mavzusi muhokama qilingan IX Global Boku forumida ishtirok etgandi”, — dedi Markov.
Gennadiy Burbulis 1991-yil iyundan 1992-yil noyabrgacha mavjud bo‘lgan Rossiya Sovet Federativ Sotsialistik Respublikasi (keyinchalik — Rossiya Federatsiyasi) davlat kotibi bo‘lib ishlagan, shuningdek, Rossiya hukumati rahbarining birinchi o‘rinbosari bo‘lgan.
Gennadiy Burbulis Rossiya tomonidan Boris Yelsin bilan birgalikda SSSRni tarqatib yuborish to‘g‘risidagi Belovej kelishuvlarini imzolashda ishtirok etgan.
2022-yil may oyida mustaqil Belarusning birinchi rahbari Stanislav Shushkevich va Ukrainaning birinchi prezidenti Leonid Kravchuk bir necha kunlik farq bilan vafot etgani haqida xabarlar berilgandi. Ularning ikkisi ham Belovej kelishuvini imzolashda ishtirok etgan.
Izoh (0)