АҚШнинг ички хавфсизлик учун масъул бўлган мансабдорлари Россия ноябрда бўлиб ўтадиган конгрессга сайловларга аралашиши мумкинлигидан хавотирда, деб ёзади «РБК».
Беш нафар амалдаги ва собиқ амалдорлар CNN’га маълум қилишича, Москва АҚШ ичкарисидаги келишмовчиликлардан бўлғуси сайловларга нисбатан фойдаланиши ва маҳаллий сайлов қўмиталарига кичик хакерлик ҳужумларини уюштириши кутилмоқда. Шу билан бирга, хакерлар ўзларини сездириб қўядиган тарзда ҳаракат қилиши ва Америка жамиятида АҚШдаги сайлов тизимининг бутунлигига нисбатан шубҳа уруғини сочиши мумкин.
Аммо телеканал суҳбатдошлари воқеалар ривожининг бундай варианти фаразий бўлиб қолаётганини айтди.
АҚШда сайловлар анча ҳимояланганроқ бўлиб қолганига қарамасдан, мансабдорлар таъкидлашича, мамлакатда ишончсизлик муҳити юзага келган, у кўп сонли маҳаллий сайлов тизимлари томонидан чуқурлаштирилмоқда. Бу шуни билдирадики, бундай шароитларда «Россиянинг уруш олиб бориш бўйича ассиметрик услублари» таъсирига ҳақиқатда тайёр бўлиш мумкин эмас, деб аниқлик киритади CNN.
«Агар қандайдир майда бир нарса содир бўлса, бу васваса ва алғов-далғовликка айланиб кетади, одамлар эса бирдан бутун сайловлар тизими хавфсиз, деб ўйлай бошлайди, — деди Николь Тисдейл, у апрелгача Миллий хавфсизлик кенгашида қонунчилик масалалари бўйича директор бўлган, ундан аввал эса Вакиллар палатаси Ички хавфсизлик қўмитасида киберхавфсизлик ва контрразведка бўйича директор лавозимини эгаллаган. — Гап кичик муаммони у каттароқ нарсага айланиб кетмаслиги учун ҳал қилиш ҳақида эмас. Гап шундаки, одамлар қайиқдаги кичик тешикдан сув кираётганини кўриб, у бутунлай чўкиб кетади, деб ўйлай бошлайди».
Вакиллар палатаси ва сенатга сайловлар 8 ноябрь куни бўлиб ўтади. Конгресснинг қуйи палатасига барча 435 та округлар вакиллари, юқори палатага эса 100 сенатордан 34 нафари сайланади.
Апрелда Associated Press агентлиги АҚШ разведкаси Россия Американинг Украинага кўмагидан фойдаланиб, унинг сиёсий ишларига аралашиши мумкинлгини маълум қилганини ёзганди.
Москва Вашингтоннинг Россия Америка сайловларига аралашишга урингани ҳақидаги барча баёнотларини қатъиян рад этмоқда. Президент вакили Дмитрий Песков бундай хабарларни уйдирма ва ҳақиқатга ҳеч қандай алоқаси йўқ деб атаганди.
Изоҳ (0)