AQShning Portlend shahridagi sud hay’ati “Eringizni qanday o‘ldirish kerak?” essesi muallifi 71 yoshli Nensi Krempton-Brofini erini o‘ldirishda aybdor deb topdi. Bu haqda The Guardian xabar bermoqda.
2011-yilda nashr etilgan esseda bir ayol politsiya qo‘liga tushmasdan qotillikni amalga oshirishning turli usullarini tasvirlab bergan.
Fojia 2018-yilning 2-iyunida Nensining 63 yoshli eri Oregon oshpazlik institutida ishlashga kirayotgan paytda sodir bo‘lgan. Erkak Krempton-Brofiga tegishli markadagi to‘pponcha bilan otib o‘ldirilgan, ammo politsiya qurolni topa olmagan. Institut kameralarida ayolning qotillik sodir bo‘lgan kuni universitetga qanday kelgani va uni tark etgani tasvirlangan.
Qoralovchi tomonning fikricha, Krempton-Brofi erini moliyaviy muammolar va hayoti sug‘urtalanganligi sababli o‘ldirgan bo‘lishi mumkin. Biroq unga qo‘yilgan ayblarni rad etgan ayolning aytishicha, jamg‘armaning bir qismini naqd pul shaklida olib, moliyaviy muammolarni hal qilishi mumkin edi. O‘sha kuni institut yaqinida ham tasodifan bo‘lgan.
Krempton-Brofi advokatlarining aytishicha, erkak talonchilik paytida o‘ldirilgan, hozirda ayol sud qarori ustidan shikoyat qilishni rejalashtirmoqda.
2011-yilda Nensi Krempton-Brofining qotillik sodir etishning turli usullari batafsil yozilgan essesi nashrdan chiqadi. Kitobda, shuningdek, qanday qilib qo‘lga tushmaslik haqida ham tushuntirilgan. Biroq sudya ushbu hujjatni jinoyat sodir etilishidan yetti yil avval chop etilgani uchun sud muhokamasidan chiqarib tashlagan.
Izoh (0)