“Omon qolish uchun bor imkoniyatimni ishga solaman”. Ilon Mask muxlislari va o‘z onasini qo‘rqitib yubordi

Tesla va SpaceX asoschisi Ilon Mask o‘zining so‘nggi bayonoti bilan nafaqat muxlislarini, balki o‘z onasini ham xavotirga qo‘ydi, deb xabar beradi IXBT.

Tesla bosh direktori 9-may kuni ertalab Twitter’dagi sahifasiga “agar sirli sabablarga ko‘ra vafot etsam, tanishganimdan xursandman”, deb yozib qoldirgan.

Twitter’ning faol foydalanuvchisi bo‘lgan 74 yoshli onasi Mey Mask bunga “bu kulgili emas”, deya javob yozib, jahli chiqqan smayliklarni qo‘ygan. Mask kechirim so‘ragan va “omon qolish uchun barcha imkoniyatimni ishga solaman”, deya qo‘shimcha qilgan.

Ilon Maskning muxlislari ham milliarderdan ehtiyot bo‘lishini so‘rab, ko‘plab xabarlar qoldirgan. Biroq izohlarda o‘ziga xos postlar ham paydo bo‘ldi:

• “Ilon, davriy zaxira nusxalash orqali o‘z tafakkuringni sun’iy tanaga ko‘chira olasanmi? GLaDOS’ga o‘xshab?”;
• “Do‘stim, sen robotlar armiyasini quryapsan. Seni Ironman kostyuming va robot tansoqchilarining bo‘lmasligini hecham oqlab bo‘lmaydi”;
• “Unutma, seni Kiyevda ukang bor”.