Taxallusi MrBeast bo‘lgan amerikalik bloger (haqiqiy ismi Jeyms Donaldson) YouTube’dagi yangi shousi uchun britaniyalik yozuvchi Roald Dal hikoyasidagi qandolatchi Villi Vonka egalik qilgan shokolad fabrikasini qurdi, deb xabar beradi “Pravilamag”.
Shou ishtirokchilar do‘konlarda sotiladigan shokolad ichidan tilla taklifnomalarni qo‘lga kiritgan 10 kishi bo‘ldi. Avvaliga o‘yinchilar 1000 soniya ichida yashirinishga ulgurishi kerak edi. Ushbu sinov yakuni bo‘yicha bir nafar ishtirokchi o‘yinni tark etgan — u qayiqdan shokoladli daryoga tushib ketgan.
Shundan so‘ng o‘yinchilar shirinliklar devoriga tirmashib chiqishi, juftlikda boshqalardan ko‘ra ko‘proq shokolad yeyishi, shuningdek, “dunyodagi eng katta” Coca-Cola idishiga Mentos otishi kerak bo‘lgan. Bundan tashqari, o‘yinchilar muvozanatni saqlab qolish bo‘yicha bellashgan va haqiqiy unitazni uning shaklida qilingan tortdan ajratishi kerak bo‘lgan.
Final sinovi — 45 daqiqa ichida desert tayyorlash — yakundagi uch nafar ishtirokchini britaniyalik shef-oshpaz Gordon Ramzi baholagan. Finalchilardan biri tayyorlagan taomi uchun 20 dan 7 ball olgan, ikkinchisi — 10, g‘olib esa 14 ball qo‘lga kiritgan. G‘olibga shokoladli fabrika yoki 500 ming dollar taklif qilingan va u ikkinchisini tanlagan.
Eslatib o‘tamiz, 2021-yilning noyabrida MrBeast real hayotda “Kalmar o‘yini”ni tashkillashtirgan va bunga 3,5 million dollar sarflagan edi.