АҚШнинг Портленд шаҳридаги суд ҳайъати «Эрингизни қандай ўлдириш керак?» эссеси муаллифи 71 ёшли Нэнси Кремптон-Брофини эрини ўлдиришда айбдор деб топди. Бу ҳақда The Guardian хабар бермоқда.
2011 йилда нашр этилган эсседа бир аёл полиция қўлига тушмасдан қотилликни амалга оширишнинг турли усулларини тасвирлаб берган.
Фожиа 2018 йилнинг 2 июнида Нэнсининг 63 ёшли эри Орегон ошпазлик институтида ишлашга кираётган пайтда содир бўлган. Эркак Кремптон-Брофига тегишли маркадаги тўппонча билан отиб ўлдирилган, аммо полиция қуролни топа олмаган. Институт камераларида аёлнинг қотиллик содир бўлган куни университетга қандай келгани ва уни тарк этгани тасвирланган.
Қораловчи томоннинг фикрича, Кремптон-Брофи эрини молиявий муаммолар ва ҳаёти суғурталанганлиги сабабли ўлдирган бўлиши мумкин. Бироқ унга қўйилган айбларни рад этган аёлнинг айтишича, жамғарманинг бир қисмини нақд пул шаклида олиб, молиявий муаммоларни ҳал қилиши мумкин эди. Ўша куни институт яқинида ҳам тасодифан бўлган.
Кремптон-Брофи адвокатларининг айтишича, эркак талончилик пайтида ўлдирилган, ҳозирда аёл суд қарори устидан шикоят қилишни режалаштирмоқда.
2011 йилда Нэнси Кремптон-Брофининг қотиллик содир этишнинг турли усуллари батафсил ёзилган эссеси нашрдан чиқади. Китобда, шунингдек, қандай қилиб қўлга тушмаслик ҳақида ҳам тушунтирилган. Бироқ судья ушбу ҳужжатни жиноят содир этилишидан етти йил аввал чоп этилгани учун суд муҳокамасидан чиқариб ташлаган.
Изоҳ (0)