Хитой пойтахти Пекиндаги Чаоян туманининг кўплаб чет элликлар яшайдиган «нуфузли» қисмида узоқ вақтлардан буён биринчи марта COVID-19 авж олди, деб ёзади «РБК».
«Бугунги кун ҳолатига касалланишларнинг 166 таси Чаоян туманидаги барда COVID-19 авж олиши билан боғлиқ», — деди маҳаллий ҳукумат вакили Сюй Хэцзян.
Унинг сўзларига кўра, 13—15 июнь кунлари бу туманда фуқаролардан коронавирусга нисбатан оммавий тест олиш бошланади. Коронавирус авж олиши билан боғлиқ жорий ҳолат «жиддий хусусият»га эга, деб қўшиб қўйди мансабдор.
Хитойда йил бошидан буён COVID-19 билан касалланиш қайтадан авж олиши кузатилмоқда. Хусусан, 25 миллион аҳоли яшайдиган Шанхайда март охирида 3,4 минг киши симптомсиз, 50 киши симптомли касалланиши қайд этилган эди, бу узоқ вақт ичидаги рекордга айланди. Шундан кейин ҳукумат коронавирус авж олганини эълон қилиб, 28 март куни шаҳарда қатъий локдаун киритилди.
Шаҳарнинг барча аҳолиси қатъий карантинга риоя қилиши керак эди, улар фақат энг зарур буюмларни контактсиз етказиб бериш хизматларидан фойдаланиши мумкин бўлди. Жамоат транспортидан фойдаланиш тақиқланди. Энг зарур маҳсулотларни ишлаб чиқариш заводлари ва ҳаётий фаолиятни таъминловчи корхоналар ёпиқ бошқарув режимига ўтиб ишлади, қолганлари эса ходимларини масофадан ишлашга ўтказди. Чекловлар май ўрталаридагина қисман олиб ташланди.
Изоҳ (0)