O‘zbekiston Konstitutsiyasida davlat va jamiyat munosabatlarida o‘zaro bir-birini tiyib turish mexanizmlarini mustahkamlash taklif etilmoqda. Bu haqda bugun, 10-iyun kuni bo‘lib o‘tayotgan konstitutsiyaviy komissiya yig‘ilishida ma’lum qilindi.
Yig‘ilishda Konstitutsiyaviy komissiya raisi Akmal Saidov davlat va jamiyat o‘zaro bir-birini tiyib turishi borasidagi taklif o‘rinli ekanini aytdi.
“Bizda o‘zaro tiyib turuvchi turli hokimiyatlar – qonun chiqaruvchi, ijroiya va sud hokimiyati. Davlat va jamiyat o‘rtasida o‘zaro tiyib turish masalasi avvalgi muhokamalarda hech xayolimizga kelmagan edi. Shuning uchun bu juda ham to‘g‘ri. Biz oldin inson va davlat o‘zaro majburiyatlarga egaligini aytardik. Bu yerda davlat bilan jamiyat deyilyapti. Juda ham yaxshi taklif”, – dedi u.
Majlisda aytilishicha, mazkur normaning Konstitutsiyada aks etishi fuqarolik jamiyatini shakllantirish uchun muhim omil bo‘ladi.
Izoh (0)