Rossiya va O‘zbekiston o‘rtasidagi yo‘lovchi temiryo‘l harakati 23-iyundan boshlab tiklanadi. Bu haqda “Rossiya temir yo‘llari” xabar berdi.
Jumladan:
- 23-iyundan Toshkent—Samara poyezdi (№5/6) harakati tiklanadi. U haftasiga bir marta — payshanba kuni Toshkentdan, yakshanba kuni esa Samaradan yo‘lga chiqadi;
- 25-iyundan Toshkent—Volgograd poyezdi (№323/324) harakati tiklanadi. U haftasiga bir marta — shanba kuni Toshkentdan, seshanba kuni esa Volgograddan yo‘lga chiqadi.
“Eslatib o‘tamiz, Rossiya va O‘zbekiston fuqarolari uchun avvalroq mamlakatda kirishda joriy etilgan barcha sanitariya cheklovlari olib tashlangan, PZR-test talab qilinmaydi”, — deyiladi xabarda.
Eslatib o‘tamiz, O‘zbekistonda ilk bor koronavirus aniqlangan 2020-yil 16-martdan boshlab temiryo‘l transporti qatnovlari to‘xtatilgan edi. 2020-yilning 15-avgustidan mahalliy avia va temiryo‘l qatnovlari bosqichma-bosqich tiklangan. 2020-yilning iyun boshlarida 14-iyundan boshlab Toshkent—Samara va Toshkent—Volgograd yo‘nalishlari bo‘yicha haftasiga bir marta temiryo‘l qatnovi qayta tiklanayotgani ma’lum bo‘lgandi.
Izoh (0)