Buxoro shahrida tadbirkor va fuqarolarning 51 ming dollarini qo‘lga kiritgan shaxs aniqlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Buxoro shahar bo‘limi tomonidan tergovga qadar tekshiruv o‘tkazilgan. Unda fuqaro J.T. 3 nafar tadbirkorning ishonchiga kirib, ularga go‘yoki “O‘zbekiston havo yo‘llari” AJ bilan mahsulotlarni yetkazib berish bo‘yicha hamda Chirchiq shahrida “laminat” ishlab chiqarish faoliyati bilan shug‘ullanuvchi tadbirkorlar bilan shartnomalar tuzib berishini aytgani aniqlangan. Xizmati evaziga jami 44 ming dollarni firibgarlik yo‘li bilan qo‘lga kiritgan.
Bundan tashqari, J.T. fuqarolar G‘. va U.ga navbatsiz Lacetti avtotransport vositasini olib berish evaziga 7 ming dollarni qo‘lga kiritgani ma’lum bo‘lgan.
Holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Andijon va Buxoroda fuqarolarni noqonuniy yo‘l bilan ish va o‘qishga kiritib qo‘ymoqchi bo‘lgan shaxslar ushlandi
- Buxoroda ikki fuqaroni Janubiy Koreyaga ishga yuborish uchun qariyb 10 ming dollar so‘ragan shaxs ushlandi
- Toshkent viloyatida 40 sotix yerni rasmiylashtirib berish uchun 29 ming dollar so‘ragan shaxs ushlandi
Izoh (0)