BMT Ukraina g‘allasi bo‘yicha muzokaralar to‘xtagani sababli ochlik xavfidan ogohlantirmoqda

Birlashgan Millatlar Tashkiloti bosh kotibi Ukrainadagi urush tufayli yuz millionlab odamlar ochlik va qashshoqlik xavfi ostida qolishi mumkinligidan ogohlantirdi, chunki Rossiyaning Qora dengizga don tashish blokadasini tugatish bo‘yicha muzokaralar to‘xtab qolgan.

Rossiya va Turkiya muzokarachilari dunyodagi eng yirik bug‘doy eksportchilaridan biri bo‘lgan Ukrainadan oziq-ovqat eksport qilish bo‘yicha bir to‘xtamga kela olmadi.

Bunga Moskvaning kemalarni Ukrainaning asosiy porti Odessadan olib chiqishga ruxsat bermagani va Kiyevning hujumlardan qo‘rqayotgani asos bo‘lgan.

Ukraina oziq-ovqat mahsulotlarini eksport qilishga ruxsat berish to‘g‘risidagi kelishuv rivojlanayotgan mamlakatlardagi, shu jumladan Sahroyi Kabirdan janubdagi Afrikadagi yuzlab million odamlar uchun juda muhim, — dedi BMT bosh kotibi Antonio Guterrish.

Unga ko‘ra, urush misli ko‘rilmagan ochlik va qashshoqlik to‘lqinini keltirib chiqarish bilan tahdid qilib, ijtimoiy va iqtisodiy tartibsizliklarga sabab bo‘ldi.

Rossiya, Ukraina va Turkiya ishtirok etgan BMT boshchiligidagi muzokaralarda donni xavfsiz tashish yoki Rossiya hukumati Ukraina qirg‘oqlariga hujum qilmasligini kafolatlash yo‘llarini topa olmaganliklari sabab to‘xtab qolgan.

Qo‘shimcha qilinishicha, tomonlar don kemalarini sug‘urta qilish yo‘lini ham topa olmagan. Bu 20 mln tonnaga yaqin g‘allani Afrika kabi eksport bozorlariga olib chiqishga to‘sqinlik qilmoqda.

Ukrainaning bu yil kutilayotgan 50 mln tonna hosili ham xavf ostida, chunki mamlakatda uni saqlash uchun yetarli hudud mavjud emas.

Rossiya tashqi ishlar vaziri Sergey Lavrov muzokaralardan so‘ng, agar Ukraina o‘z portlariga yo‘l ochsa, Moskva “vaziyatdan foydalanmasligi” uchun “qandaydir yoki boshqa tarzda” kafolat berishga tayyorligini aytdi. Ukraina asosiy port shahri Odessa va unga yaqin hududlarni Rossiya hujumidan himoya qilish uchun Qora dengiz sohillarini minalashtirdi.

Ammo Kiyev qirg‘oq chizig‘ini himoya qilish uchun ko‘proq g‘arb qurollarini va eksport yo‘llarini uchinchi tomon, ehtimol Turkiyaning dengiz floti tomonidan nazorat qilinishini istaydi.

20 million tonna g‘allani Ukrainadan qanday olib chiqish mumkinligi haqida xabar berilgan edi.